ՀՀ-ում ԵՄ առաքելությունը Եղեգնաձորում ընդունել է Նիդեռլանդների ոստիկանության պատվիրակությանը

ԵՐԵՎԱՆ, 3 ՀՈՒՆԻՍԻ, ԱՐՄԵՆՊՐԵՍ։ Հայաստանում Եվրոպական միության դիտորդական առաքելությունը Եղեգնաձոր քաղաքում ընդունել է Նիդեռլանդների ոստիկանության պատվիրակության անդամներին։

«Արմենպրես»-ի հաղորդմամբ՝ այս մասին նշվում է ՀՀ-ում ԵՄ առաքելության X-ի միկրոբլոգում արված գրառման մեջ։

«Ուրախ ենք այսօր Եղեգնաձորում ողջունել Նիդեռլանդների ոստիկանության պատվիրակությանը: Լավ քննարկումներ ունեցանք Հայաստանում Եվրոպական միության առաքելության մանդատի և տեղում իրականացվող գործունեության վերաբերյալ»,- նշել է առաքելությունն իր գրառման մեջ՝ շնորհակալություն հայտնելով Նիդեռլանդներին առաքելությանը ցուցաբերվող շարունակական աջակցության համար:

Happy to welcome visitors from the Dutch Police today in Yeghegnadzor. Good discussions on EUMA’s mandate and activities on the ground. Dank je wel for your continued support to the Mission! pic.twitter.com/4fBBiGNRTO

— European Union Mission in Armenia (@EUmARMENIA) June 3, 2024