388.1
Սահմանազատման ու սահմանագծման գործընթացը Հայաստանի և Ադրբեջանի միջև հարաբերությունների կարգավորման հիմնական ուղղություններից է․ Գալուզին
1 րոպեի ընթերցում
ԵՐԵՎԱՆ, 28 ՄԱՅԻՍԻ, ԱՐՄԵՆՊՐԵՍ։ Ռուսաստանի արտաքին գործերի նախարարի տեղակալ Միխայիլ Գալուզինը հայտաարել է, որ Հայաստանի և Ադրբեջանի միջև սահմանազատումն ու սահմանագծումը երկու երկրների միջև հարաբերությունների կարգավորման հիմնական ուղղություններից է։
«Արմենպրես»-ի փոխանցմամբ՝ ինչպես հայտնում է ադրբեջանական APA գործակալությունը, Գալուզինն այդ մասին ասել է Մոսկվայում Ադրբեջանի անկախության առթիվ կազմակերպված ընդունելության ժամանակ։
Գալուզինն ասել է, որ սահմանազատումն ու սահմանագծումը Հայաստանի, Ռուսաստանի և Ադրբեջանի ղեկավարների ձեռք բերած եռակողմ պայմանավորվածությունների, ինչպես նաև երկու երկրների միջև հարաբերությունների կարգավորման հիմնական ուղղություններից է։
ՌԴ ԱԳ նախարարի տեղակալը նշել է, որ սահմանազատման ու սահմանագծման գործընթացը ներդրում կլինի Հայաստանի և Ադրբեջանի միջև հարաբերություններում և ընդհանրապես տարածաշրջանի անվտանգության և կայունության մեջ։
Բաժանորդագրվեք մեր ալիքին Telegram-ում