ՀՀ ԱԳՆ-ն բարձր է գնահատել միջազգային գործընկերների զորակցությունը ջրհեղեղների կապակցությամբ

ԵՐԵՎԱՆ, 27 ՄԱՅԻՍԻ, ԱՐՄԵՆՊՐԵՍ։ ՀՀ արտաքին գործերի նախարարությունը բարձր է գնահատել միջազգային գործընկերների և տարբեր երկրների զորակցությունը ՀՀ Լոռու և Տավուշի մարզերում ջրհեղեղների հետևանքների կապակցությամբ։

«Արմենպրես»-ի հաղորդմամբ՝ այս մասին X-ի միկրոբլոգում հայտարարություն է տարածել ՀՀ արտաքին գործերի նախարարի մամուլի խոսնակ Անի Բադալյանը։

«Մենք բարձր ենք գնահատում մեր միջազգային գործընկերների, երկրների և կազմակերպությունների կողմից արտահայտված համերաշխությունը Հայաստանի Տավուշի և Լոռու մարզերում տեղի ունեցած հորդառատ ջրհեղեղներից հետո, որոնք մարդկային կորուստներ և լուրջ վնաս են հասցրել ենթակառուցվածքներին և բնակելի տարածքներին։ Ընդհանուր վնասը գնահատելուց հետո մենք անհրաժեշտության դեպքում կհամակարգենք ազդեցությունը մեղմացնող միջոցառումները գործընկերների հետ»,-նշել է նա։

We highly appreciate the solidarity expressed by our int’l partners, countries & orgs following heavy floods in Tavush & Lori regions of #Armenia which caused loss of lives & serious damage of infrastructure & residential areas.

After assessing the overall damage we will… pic.twitter.com/ftdQIrbKH0

— Ani Badalyan, MFA Spokesperson (@ArmSpoxMFA) May 27, 2024