Հասարակական

ԵՊՀ-ն և Kotler Impact-ը կհրատարակեն «Ժամանակակից մարքեթինգի հիմունքները. Հայաստանի հրատարակություն» դասագիրքը

4 րոպեի ընթերցում

ԵՊՀ-ն և Kotler Impact-ը կհրատարակեն «Ժամանակակից մարքեթինգի հիմունքները. Հայաստանի հրատարակություն» դասագիրքը

ԵՐԵՎԱՆ, 17 ՄԱՅԻՍԻ, ԱՐՄԵՆՊՐԵՍ: ՀՀ կրթության, գիտության, մշակույթի և սպորտի նախարարի տեղակալ Արթուր Մարտիրոսյանy մայիսի 17-ին ընդունել է ԱՊՀ երկրներում «Kotler Impact» ընկերությաններկայացուցիչ ԹամարՉոլարիային՝ քննարկելու համար մարքեթինգի ոլորտում համագործակցության հեռանկարները:

Ինչպես «Արմենպրես»-ին տեղեկացրին ՀՀ կրթության, գիտության, մշակույթի և սպորտի նախարարությունից, ԿԳՄՍ նախարարի տեղակալ Արթուր Մարտիրոսյանը ողջունել է հյուրին և կարևորել Երևանի պետական համալսարանի ու ԱՊՀ երկրներում «Kotler Impact» ընկերության բացառիկ ներկայացուցիչ «AWE Consulting» ՍՊԸ-ի միջև օրերս ստորագրած համագործակցության հուշագիրը, որը համատեղ ծրագրերի իրականացման հնարավորություն է ընձեռում:

«ԹամարՉոլարիան տեղեկացրել է՝ ԵՊՀ-ի հետ համագործակցության շրջանակում նախատեսվում է հրատարակել «Ժամանակակից մարքեթինգի հիմունքները. Հայաստանի հրատարակություն» դասագիրքը: Այն հիմնված կլինի հայկական մարքեթինգային ընկերությունների անցած ճանապարհի և պատմության վրա: Կողմերը կարևորել են նաև դասագրքի՝ ուսումնական ծրագրում ընդգրկվելու հնարավորությունը՝ հաշվի առնելով այն հանգամանքը, որ մինչ այս մարքեթինգի հետ կապված տարբեր դասընթացների ընթացքում հայ ուսանողներին ներկայացվել են միջազգային խոշոր ընկերությունների օրինակները: Ձեռնարկը հնարավորություն կտա ուսանողներին ծանոթանալու նաև հայկական ընկերությունների հաջողության պատմություններին և մոտեցումներին:

Նշվել է՝ «Ժամանակակից մարքեթինգի հիմունքները. Հայաստանի հրատարակություն» գիրքը լույս է տեսնելու երկու լեզուներով: Նախ կտպագրվի անգլերեն տարբերակը՝ շուրջ 10 հազար օրինակով և կվաճառվի ամբողջ աշխարհում, այնուհետև կթարգմանվի հայերեն:

Համագործակցության արդյունքում Երևանի պետական համալսարանի ուսանողները կստանան նաև Շուկայավարման համաշխարհային գագաթնաժողովի (WMS) մասնակցության հնարավորություն:

Առցանց գագաթնաժողովն անցկացվում է յուրաքանչյուր տարվա նոյեմբերին և հեռարձակվում է աշխարհի 105 երկրներում՝ միավորելով ավելի քան 200 խոսնակների կորպորատիվ, ակադեմիական, հասարակական և պետական կառավարման ոլորտներից: Մասնակիցներին հնարավորություն է ընձեռվում 48-ժամյա ռեժիմով լսելուաշխարհի առաջատար մասնագետների զեկուցումներն այնպիսի արդիական հարցերի շուրջ, ինչպիսիք են՝ մարքեթինգի դերը թվայնացման դարաշրջանում, հաճախորդակենտրոն մարքեթինգային ռազմավարությունները, մարքեթինգը խթանող գործիքների արդյունավետության գնահատումը,«Open AI»,«Chat GPT»-ի առնչությունները մարքեթինգի հետ և բնագավառիմի շարք այլ առանցքային թեմաներ»,- ասվում է հաղորդագրության մեջ:

Ըստ աղբյուրի՝ ԿԳՄՍ նախարարի տեղակալն ընդգծել է, որ Հայաստանում ընթացող կրթական ոլորտի բարեփոխումների շրջանակում Հայաստանի 16 ավագ դպրոցներում իրականացվում է «Արհեստական բանականության (ԱԲ) սերունդ» փորձարարական կրթական ծրագիրը: Ընդ որում՝ Հայաստանն առաջին երկրներից է, որ այս ծրագիրը ներդրել է դպրոցներում՝ կարևորելով դպրոցական տարիքից սովորողների՝ արհեստական բանականությանն առնչվելն ու ճիշտ պատկերացումներ ձևավորելը: Արթուր Մարտիրոսյանը նաև ընդգծել է՝ «Կրթության զարգացման՝ մինչև 2030 թվականը պետական ծրագրում» ԲՏՃՄ ուղղությանը հատկացվել է առանձնահատուկ դեր, և այդ ուղղությամբ կրթության որակի բարելավումը պետության առաջնային խնդիրներից է:

Նշվում է, որ հանդիպման ընթացքում կողմերը քննարկել են նաև երկկողմ հետաքրքրություն ներկայացնող այլ հարցեր:

Փրկարարներն ամրացրել են քոլեջի տանիքի մոտ 40 քմ պոկված թիթեղը

Պատահար

Փրկարարներն ամրացրել են քոլեջի տանիքի մոտ 40 քմ պոկված թիթեղը

ՀՀ ԲՏԱ նախարարությունը հայտարարում է «Մուտք դեպի շուկա» բաղադրիչով դրամաշնորհային մրցույթ

Ինովացիա

ՀՀ ԲՏԱ նախարարությունը հայտարարում է «Մուտք դեպի շուկա» բաղադրիչով դրամաշնորհային մրցույթ

ՀՀ վարչապետը մեկնում է արձակուրդ

Պաշտոնական

ՀՀ վարչապետը մեկնում է արձակուրդ

Տավուշում ճանապարհատրանսպորտային պատահարի հետևանքով որևէ զինծառայող չի հոսպիտալացվել. ՀՀ ՊՆ

Բանակ

Տավուշում ճանապարհատրանսպորտային պատահարի հետևանքով որևէ զինծառայող չի հոսպիտալացվել. ՀՀ ՊՆ

ՀՀ դեսպանը մասնակցել է Չեռնոգորիայի Պետականության օրվա կապակցությամբ կազմակերպված պետական ընդունելությանը

Եվրոպա

ՀՀ դեսպանը մասնակցել է Չեռնոգորիայի Պետականության օրվա կապակցությամբ կազմակերպված պետական ընդունելությանը

ՀՀ առողջապահության նախարարը ներկա է գտնվել Դսեղի առողջության կենտրոնի բացմանը

Մարզեր

ՀՀ առողջապահության նախարարը ներկա է գտնվել Դսեղի առողջության կենտրոնի բացմանը

Հուլիսի 16-ի միջոցառումների անոնս

Անոնս

Հուլիսի 16-ի միջոցառումների անոնս

Մարինա Կալյուրանդն ավարտում է պաշտոնավարումը՝ որպես ԵԽ-ում Հարավային Կովկասի հետ հարաբերությունների պատվիրակության ղեկավար

Քաղաքականություն

Մարինա Կալյուրանդն ավարտում է պաշտոնավարումը՝ որպես ԵԽ-ում Հարավային Կովկասի հետ հարաբերությունների պատվիրակության ղեկավար

Հայկ Մարտիրոսյանը հաղթել է արագ շախմատի միջազգային մրցաշարում

Սպորտ

Հայկ Մարտիրոսյանը հաղթել է արագ շախմատի միջազգային մրցաշարում

Հունգարիան աջակցություն է տրամադրել Լոռու մարզում ջրհեղեղից տուժածներին և ԼՂ-ից բռնի տեղահանվածներին

Տնտեսություն

Հունգարիան աջակցություն է տրամադրել Լոռու մարզում ջրհեղեղից տուժածներին և ԼՂ-ից բռնի տեղահանվածներին

Տղաներ և աղջիկներ են ձերբակալվել Հաղթանակ կամրջի վրա մեքենայից կրակոցներ արձակելու համար

Իրավունք

Տղաներ և աղջիկներ են ձերբակալվել Հաղթանակ կամրջի վրա մեքենայից կրակոցներ արձակելու համար

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում