Ադրբեջանն էթնիկ զտումներ է իրականացրել Լեռնային Ղարաբաղի հայերի նկատմամբ․ Ջուդի Չու
2 րոպեի ընթերցում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: ԱՄՆ կոնգրեսական Ջուդի Չուն հայտարարել է, որ շարունակում է աշխատել Կոնգրեսի հայկական հարցերով հանձնախմբի գործընկերների հետ, որպեսզի Ադրբեջանին պատասխանատվության ենթարկեն Լեռնային Ղարաբաղում էթնիկ զտումներ իրականացնելու և աններելի ագրեսիայի համար։
«Արմենպրես»-ի հաղորդմամբ՝ այս մասին նա հայտարարել է Հայոց ցեղասպանության զոհերի հիշատակին, ինչպես նաև Հայաստանին ու Լեռնային Ղարաբաղին նվիրված՝ «Արդարություն հանուն ցեղասպանության» խորագրով միջոցառման ընթացքում։
«Ադրբեջանն էթնիկ զտումներ է իրականացրել Լեռնային Ղարաբաղի 120 հազար հայերի նկատմամբ: Ես ինքս Արցախ այցելելու պատիվ եմ ունեցել։ Ես տեսել եմ այնպիսի անհավանական մարդկանց՝ ծաղկուն համայնքով, և ինձ այնքան ցավ է պատճառում մտածելը, որ նրանց քշել են այնտեղից, և որ այնքան շատերն են եղել, ովքեր բանտարկվել են: Այսպիսով, մենք պետք է անենք այն ամենը, ինչ կարող ենք: Ահա թե ինչու ես շարունակում եմ աշխատել Կոնգրեսի հայկական հարցերով հանձնախմբի գործընկերների հետ Ադրբեջանին այս աններելի ագրեսիայի համար պատասխանատվության ենթարկելու համար»,- նշել է Չուն։
.@RepJudyChu (D-CA): "Since we last held this commemoration in April, Azerbaijan has been ethnically cleansing 120,000 Armenians from the Nagorno Karabakh. Now, I had the honor of visiting Artsakh myself. I saw such incredible people with a thriving community and it makes me so… pic.twitter.com/arIdWyw2cB
— ANCA (@ANCA_DC) April 17, 2024