Բրեդ Շերմանը կարևորում է ԼՂ-ից բռնի տեղահանվածներին տրամադրվող օժանդակության ընդլայնումը և Ադրբեջանին տրվող բոլոր օգնությունների կրճատումը
2 րոպեի ընթերցում
ԵՐԵՎԱՆ, 18 ԱՊՐԻԼԻ, ԱՐՄԵՆՊՐԵՍ: Միացյալ Նահանգների Կոնգրեսի անդամ Բրեդ Շերմանն հայտարարել է, որ անհրաժեշտ է ընդլայնել օգնությունը Լեռնային Ղարաբաղից բռնի տեղահանված հայերին և կրճատել Ադրբեջանին տրամադրվող բոլոր օգնությունները։
«Արմենպրես»-ի հաղորդմամբ՝ այս մասին նշվում է Ամերիկայի հայ դատի գրասենյակի՝ X-ի միկրոբլոգում կատարված գրառման մեջ՝ վկայակոչելով կոնգրեսականի խոսքերը Սպիտակ տանն անցկացվող՝ «Արդարություն հանուն ցեղասպանության» միջոցառումից, որը նվիրված է եղել Հայոց ցեղասպանության զոհերի հիշատակին, ինչպես նաև Հայաստանին ու Լեռնային Ղարաբաղին։
Rep. @BradSherman (D-CA) - who spearheaded the first U.S. aid package to Artsakh in 1998 - stressed the importance of expanding assistance to Artsakh's forcibly displaced Armenians, and cutting all aid to Azerbaijan, but explained:
"Now that's not true justice. True justice is… pic.twitter.com/8b8dudJDti
— ANCA (@ANCA_DC) April 18, 2024
«Այժմ դա իրական արդարություն չէ։ Իրական արդարությունն այն է, երբ այդ մարդիկ (խմբ․ Լեռնային Ղարաբաղից բռնի տեղահանված հայեր) կարող են վերադառնալ իրենց նախնիների տները՝ Արցախ, որտեղ նրանք ապրել են հազար և ավել տարիներ»,- նշել է կոնգրեսական Շերմանը՝ հավելելով, որ մինչև այդ արդարության տեղի ունենալը Հայաստանին անհրաժեշտ է ԱՄՆ-ի վարչակազմի կողմից խոստացված օգնությունը։
Նա հույս է հայտնել, որ Հայաստանին օգնելու օրինագիծ կընդունվի։
Կոնգրեսական Բրեդ Շերմանը 1998 թվականին գլխավորել է ԱՄՆ-ի կողմից Լեռնային Ղարաբաղին տրամադրված օգնության առաջին փաթեթը։