Քաղաքականություն

Սահմանազատումը Տավուշի մարզից սկսելու վերջնական որոշում դեռ չկա․ Մհեր Գրիգորյան

1 րոպեի ընթերցում

Սահմանազատումը Տավուշի մարզից սկսելու վերջնական որոշում դեռ չկա․ Մհեր Գրիգորյան

ԵՐԵՎԱՆ, 9 ԱՊՐԻԼԻ, ԱՐՄԵՆՊՐԵՍ: Հայաստանի և Ադրբեջանի միջև սահմանազատման գործընթացը Տավուշից սկսելու մասով որոշում հնարավոր է լինի, եթե մնացած սկզբունքային հարցերի շուրջ կոնսենսուս լինի կողմերի միջև, այս պահին վերջնական որոշում չկա:

«Արմենպրես»-ի հաղորդմամբ՝ խորհրդարանում լրագրողների հետ զրույցում այս մասին ասաց Հայաստանի փոխվարչապետ Մհեր Գրիգորյանը:

Անդրադառնալով հարցին, թե արդյոք որոշում կա՞ սահմանազատումը սկսել Տավուշի մարզից՝ Գրիգորյանն ասաց. «Հարցերը դեռ քննարկման փուլում են, վերջնական որոշում դեռ չկա»:

Նրա վստահեցմամբ՝ մինչև վերջնական որոշումներ չլինեն կարևորագույն սկզբունքների՝ անվտանգության, սոցիալ-կենցաղային, իրավական հարցերի շուրջ, սահմանազատման մեկնարկի բանակցություններ սկսելու մասին վերջնական որոշում չի կարող լինել:

«Սահմանազատումն այդ հատվածից սկսելու մասով որոշում հնարավոր է լինի այն դեպքում, երբ որ մնացած սկզբունքային հարցերի՝ անվտանգային, սոցիալ-կենցաղային և իրավական հարցերի շուրջ կոնսենսուս լինի»,-ասաց փոխվարչապետը:

Փոխվարչապետի խոսքով՝ բազմաթիվ հարցեր կան, որոնց շուրջ ընկալումները նույնատիպ են, բայց հարցեր կան, որոնց շուրջ կոնսենսուս չկա:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818

contact@armenpress.am

fbtelegramyoutubexinstagramtiktokspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում