388.33
Հայ-ադրբեջանական սահմանին օպերատիվ իրավիճակը հարաբերական կայուն է․ Էդվարդ Ասրյան
1 րոպեի ընթերցում
ԵՐԵՎԱՆ, 5 ՄԱՐՏԻ, ԱՐՄԵՆՊՐԵՍ։ Հայ-ադրբեջանական սահմանին օպերատիվ իրավիճակը գնահատվում է հարաբերական կայուն։
Ինչպես հաղորդում է «Արմենպրես»-ը, «Եռաբլուր» զինվորական պանթեոնում լրագրողների հետ զրույցում այս մասին ասաց ՀՀ ԶՈՒ գլխավոր շտաբի պետ Էդվարդ Ասրյանը՝ անդրադառնալով դիտարկմանը, թե Ադրբեջանը Սյունիքի մարզի ուղղությամբ զորքեր է կուտակել։
«Այս պահին կուտակումներ չկան, Հայաստանի զինված ուժերը բոլոր միջոցներով հետևում են Ադրբեջանի զինված ուժերի շարժերին, այդպիսի կուտակումներ չկան։ Օպերատիվ իրադրությունը գնահատվում է հարաբերական կայուն»,- ասաց Ասրյանը։
Նա վստահեցրեց, որ ՀՀ ԶՈՒ-ն իր զբաղեցրած բնագծերում կատարում է իր առջև դրված խնդիրները։
