Բլինքենը Փաշինյանի հետ զրույցը գնահատել է արդյունավետ

ԵՐԵՎԱՆ, 17 ՓԵՏՐՎԱՐԻ, ԱՐՄԵՆՊՐԵՍ: ԱՄՆ պետքարտուղար Էնթոնի Բլինքենը Հայաստանի վարչապետ Նիկոլ Փաշինյանի հետ Մյունխենում կայացած զրույցը որակել է արդյունավետ:

«Արմենպրես»-ի փոխանցմամբ՝ Բլինքեն այս մասին գրառում է կատարել X-ի իր միկրոբլոգում:

Had a productive conversation with Armenian Prime Minister Pashinyan today on how we can support the peace process between Armenia and Azerbaijan and ways we can continue to strengthen our bilateral relationship. pic.twitter.com/NppMIra0Ru

— Secretary Antony Blinken (@SecBlinken) February 17, 2024

«Այսօր արդյունավետ զրույց ունեցա Հայաստանի վարչապետ Փաշինյանի հետ այն մասին, թե ինչպես կարող ենք աջակցել Հայաստանի և Ադրբեջանի միջև խաղաղության գործընթացին և ինչպես կարող ենք շարունակել ամրապնդել մեր երկկողմ հարաբերությունները»,-նշել է ԱՄՆ պետքարտուղարը:

Փաշինյանն ու Բլինքենը հանդիպել էին Մյունխենի անվտանգության համաժողովի շրջանակում: Համաժողովի շրջանակում կայացել է նաև Հայաստանի վարչապետ Նիկոլ Փաշինյանի, Գերմանիայի կանցլեր Օլաֆ Շոլցի և Ադրբեջանի նախագահ Իլհամ Ալիևի եռակողմ հանդիպում: