Մեծ Բրիտանիայի խորհրդարանական պատվիրակությունն այցելել է Ջերմուկ
1 րոպեի ընթերցում
![Մեծ Բրիտանիայի խորհրդարանական պատվիրակությունն այցելել է Ջերմուկ](http://armenpress.am/resized/480/static/news/b/2024/02/1130332.jpg)
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ։ Մեծ Բրիտանիայի խորհրդարանական պատվիրակությունը՝ ՀՀ ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանի և ՄԹ-ում ՀՀ արտակարգ և լիազոր դեսպան Վարուժան Ներսիսյանի ուղեկցությամբ այցելել է Ջերմուկ։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է Ջերմուկ համայնքի ղեկավար Վահագն Արսենյանը։
Ըստ նրա՝ Ջերմուկի համայնքապետարանում կայացած հանդիպմանը հաջորդել է նաև Լեռնային Ղարաբաղից բռնի տեղահանված անձանց հետ հանդիպումը։
Արսենյանը հայտնել է, որ պատվիրակությունը այցելել է նաև Ջերմուկ քաղաքի՝ 2022թ. սեպտեմբերին ադրբեջանական ռազմական ագրեսիայի հետևանքով տուժած հատվածներ։