Ֆրանսիայի, Գերմանիայի և Լեհաստանի ԱԳ նախարարները Հարավային Կովկասում արդար և կայուն խաղաղություն հաստատելու կոչ են արել
1 րոպեի ընթերցում
![Ֆրանսիայի, Գերմանիայի և Լեհաստանի ԱԳ նախարարները Հարավային Կովկասում արդար և կայուն խաղաղություն հաստատելու կոչ են արել](http://armenpress.am/resized/480/static/news/b/2024/02/1130292.jpg)
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ։ Ֆրանսիայի, Գերմանիայի և Լեհաստանի արտաքին գործերի նախարարները համատեղ հայտարարություն են տարածել «Վեյմարյան եռանկյունու» շրջանակներում կայացած հանդիպման արդյունքներով, որում անդրադարձ կա նաև Հարավային Կովկասում տիրող իրավիճակին։
«Կոչ ենք անում արդար և կայուն խաղաղություն հաստատել Հարավային Կովկասում և աջակցում ենք Եվրամիության և Ամերիկայի Միացյալ Նահանգների միջնորդական ջանքերին՝ նպաստելու Հայաստանի և Ադրբեջանի միջև երկխոսությանը։ Մենք վերահաստատում ենք մեր աջակցությունը Հարավային Կովկասի պետությունների ինքնիշխանությանը, անկախությանը և տարածքային ամբողջականությանը»,- «Արմենպրես»-ի փոխանցմամբ՝ ասված է հայտարարության մեջ։