Քաղաքականություն

Դա գաղափարներից մեկն է. Փաշինյանը՝ Չորրորդ Հանրապետության հնարավորության մասին

1 րոպեի ընթերցում

Դա գաղափարներից մեկն է. Փաշինյանը՝ Չորրորդ Հանրապետության հնարավորության մասին

ԵՐԵՎԱՆ, 1 ՓԵՏՐՎԱՐԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանը նախատեսվող նոր Սահմանադրության համատեքստում անդրադարձել է Հայաստանի Չորրորդ Հանրապետության ստեղծման հնարավորությանը:

«Արմենպրես»-ի հաղորդմամբ՝ Փաշինյանն այս մասին խոսել է Հայաստանի Հանրային ռադիոյի «Անվտանգային միջավայր» հաղորդմանը տված հարցազրույցում:

Հարցին, թե ինքը նոր Սահմանադրություն առաջարկո՞ւմ է նոր՝ Չորրորդ հանրապետության համար՝ վարչապետը պատասխանել է. «Դա գաղափարներից մեկն է»:

Փաշինյանն ընդգծել է, որ կառավարությունը չի կարող փոխել Սահմանադրությունը, կառավարությունը կարող է առաջարկել ժողովրդին, խոսել ժողովրդի հետ, կարող է իր բացատրությունները ներկայացնել ժողովրդին, և միայն ժողովուրդը կարող է այդ որոշումը կայացնել:

Վարչապետ Նիկոլ Փաշինյանն ավելի վաղ հայտարարել էր, որ Հայաստանը կարիք ունի նոր Սահմանադրության: Ըստ նրա՝ Հայաստանը պետք է ունենա Սահմանադրություն, որը Հայաստանի Հանրապետությունն ավելի մրցունակ և ավելի կենսունակ է դարձնում աշխարհաքաղաքական և ռեգիոնալ նոր պայմաններում:

AREMNPRESS

Հայաստան, Երևան, 0002, Մարտիրոս Սարյան 22

+374 11 539818
contact@armenpress.am
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2024 ARMENPRESS

Ստեղծվել է՝ MATEMAT-ում