Հայաստանի և Ռուսաստանի ԱԳ նախարարների հանդիպման պայմանավորվածություն չկա․Միրզոյան
1 րոպեի ընթերցում
![Հայաստանի և Ռուսաստանի ԱԳ նախարարների հանդիպման պայմանավորվածություն չկա․Միրզոյան](http://armenpress.am/resized/480/static/news/b/2024/01/1128707.jpg)
ԵՐԵՎԱՆ,23 ՀՈՒՆՎԱՐԻ, ԱՐՄԵՆՊՐԵՍ։ Հայաստանի և Ռուսաստանի արտաքին գործերի նախարարների հանդիպման պայմանավորվածություն չկա։ Ինչպես տեղեկացնում է «Արմենպրես»-ը, մամուլի ասուլիսի ժամանակ այս մասին ասաց արտաքին գործերի նախարար Արարատ Միրզոյանը՝ պատասխանելով հարցին, թե արդյոք Ռուսաստանի Դաշնության արտաքին գործերի նախարար Սերգեյ Լավրովի հետ առաջիկայում հանդիպում սպասվում է, թե ոչ։
« Պայմանավորվածություններ չունենք այդ մասին։ Վերջին անգամ ռուսական կողմից եղել է առաջարկ հանդիպել ԵԱՀԿ նախարարական հանդիպմանն ընդառաջ, քննարկման արդյունքում այդ հանդիպումը տեղի ունեցավ և էլի հրապարակայնորեն տեղեկացվել է։ Դրանից հետո որևէ հանդիպման առաջարկ չենք քննարկել՝ մենք չենք առաջարկել, ռուսական կողմից չենք լսել»,- ասաց Միրզոյանը։