Life

Կյանքից հեռացել է Ջոն Լենոնի և Յոկո Օնոյի համբույրի հայտնի լուսանկարի հեղինակ Կիսին Սինոյաման

1 րոպեի ընթերցում

Կյանքից հեռացել է Ջոն Լենոնի և Յոկո Օնոյի համբույրի հայտնի լուսանկարի հեղինակ Կիսին Սինոյաման

ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ։ Ճապոնացի լուսանկարիչ Կիսին Սինոյաման, որը հայտնի է բազմաթիվ հանրաճանաչ մարդկանց, այդ թվում՝ «Բիթլս»-ի երաժիշտ Ջոն Լենոնի և նրա կին Յոկո Օնոյի վերջին լուսանկարներով, մահացել է 83 տարեկանում։ «Արմենպրես»-ի փոխանցմամբ՝ այս մասին հաղորդում է Kyodo գործակալությունը։

1665d019d5c4fa5a6f80f69511b0232a.jpg (24 KB)

Սինոյաման զույգի հետ 5 օր է անցկացրել, և նրանց համբույրի լուսանկարն օգտագործվել է «Double Fantasy» («Կրկնակի ֆանտազիա») ալբոմի շապիկին։ Դա Ջոն Լենոնի վերջին լուսանկարներից է, որն արվել է նրա մահվանից ամիսներ առաջ։

Սինոյաման լուսանկարել է տարբեր ոլորտի հայտնի մարդկանց, այդ թվում՝ ճապոնացի գրող Յուկիո Միսիմային, երգչուհի Մոմոե Յամագուտիին, դերասանուհի Ռիե Միյաձավային և այլոց։

Կիսին Սինոյաման հայտնի է նաև մերկ կանանց արտիստիկ լուսանկարներով, որոնք վաճառվել են միլիոնավոր օրինակներով։

AREMNPRESS

Հայաստան, Երևան, 0001, Աբովյան 9

+374 10 539818
[email protected]
fbtelegramyoutubexinstagramtiktokdzenspotify

Ցանկացած նյութի ամբողջական կամ մասնակի վերարտադրման համար անհրաժեշտ է «Արմենպրես» լրատվական գործակալության գրավոր թույլտվությունը

© 2025 ARMENPRESS

Ստեղծվել է՝ MATEMAT-ում