388.4
Ադրբեջանը հաստատում է իր մոտ 23 հայ գերու առկայությունը․ հայկական կողմն ունի ևս 32 գերու վերաբերյալ փաստական տվյալներ
1 րոպեի ընթերցում
ԵՐԵՎԱՆ, 5 ՀՈՒՆՎԱՐԻ, ԱՐՄԵՆՊՐԵՍ: Ադրբեջանը հաստատում է իր մոտ 23 հայ գերիների առկայությունը՝ չնայած այն հանգամանքին, որ հայկական կողմը փաստական տվյալներ ունի ևս 32 գերիների առկայության մասին:
«Արմենպրես»-ի հաղորդմամբ՝«Լուրեր»-ին տված հարցազրույցում ՀՀ քննչական կոմիտեի նախագահ Արգիշտի Քյարամյանը նշել է, որ Ադրբեջանը հաստատում է, որ 23 հայ գերիների է պահում, որոնցից 17-ը 2023-ի ագրեսիայի հետևանքով գերեվարված անձինք են:
«44-օրյա պատերազմից հետո 32 անձի բռնի անհետացման վերաբերյալ ունենք փաստական տվյալներ, որոնք ներկայացվել են վերպետական ատյանների»»,-ասել է Քյարամյանը:
Նա նշել է, որ նրանցից 22-ի վերաբերյալ կան նաև Մարդու իրավունքների եվրոպական դատարանի միջանկյալ միջոց կիրառելու մասին որոշումներ, սակայն այս անձանց բռնի անհետացման փաստն Ադրբեջանը հերքում է:
Բաժանորդագրվեք մեր ալիքին Telegram-ում
