Սուրբծննդյան տոնավաճառի առանձին հատված տրամադրելու է Լեռնային Ղարաբաղից բռնի տեղահանված անձանց. Երևանի քաղաքապետ
1 րոպեի ընթերցում
ԵՐԵՎԱՆ, 17 ԴԵԿՏԵՄԲԵՐԻ, ԱՐՄԵՆՊՐԵՍ: Երևանի հիմնադրման 2750-ամյակին նվիրված շատրվանների պուրակում շուտով իր հյուրընկալ դռները կբացի Սուրբծննդյան տոնավաճառը: Երևանի քաղաքապետարանն այս տարի տոնավաճառի առանձին հատված տրամադրելու է Լեռնային Ղարաբաղից բռնի տեղահանված անձանց։ «Արմենպրես»-ի հաղորդմամբ՝ այս մասին «Ֆեյսբուք»-ի իր էջում տեղեկացրել է Երևանի քաղաքապետ Տիգրան Ավինյանը։
Նա նաև հայտնել է, որ քաղաքապետարանում հյուրընկալել է մեր հայրենակիցներին, ովքեր 16 տնակներում կներկայացնեն իրենց ձեռքի աշխատանքները և ավանդական խոհանոցի համն ու հոտը:
Տիգրան Ավինյանըգրառմանը կցել է տեսանյութ, որում ասվում է, որ տնակները ԼՂ-ից տեղահանվածներին կտրամադրվեն անվճար։