Սնանկության դատարանի դատավոր Տիգրան Փոլադյանը կալանավորվել է
1 րոպեի ընթերցում
![Սնանկության դատարանի դատավոր Տիգրան Փոլադյանը կալանավորվել է](http://armenpress.am/resized/480/static/news/b/2023/12/1126388.jpg)
ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ։ Դատարանը բավարարել է Սնանկության դատարանի դատավոր Տիգրան Փոլադյանի նկատմամբ կալանքը՝ որպես խափանման միջոց ընտրելու մասին միջնորդությունը։ Ինչպես տեղեկացնում է «Արմենպրես»-ն՝ այս մասին «Ֆեյսբուք»-ի իր էջում գրել է Գլխավոր դատախազի խորհրդական Լուսինե Մարտիրոսյանը:
«Սնանկության դատարանի դատավոր Տիգրան Փոլադյանի նկատմամբ կալանքը՝ որպես խափանման միջոց ընտրելու մասին միջնորդություն է ներկայացվել դատարան: Դատարանի որոշմամբ միջնորդությունը բավարարվել է»,-գրել է Մարտիրոսյանը։
Գլխավոր դատախազի տեղակալի որոշմամբ՝Սնանկության դատարանի դատավոր Տիգրան Փոլադյանի նկատմամբհարուցվել է հանրային քրեական հետապնդում՝ առանձնապես խոշոր չափերով կաշառք ստանալու համար (Քրեական օրենսգրքի 435-րդ հոդվածի 3-րդ մասի 2-րդ և 3-րդ կետեր):
Գլխավոր դատախազը Փոլադյանի անձեռնմխելիությունից զրկելու վերաբերյալ միջնորդություն էր ներկայացրել Բարձրագույն դատական խորհուրդ, ինչը բավարարվել էր։