ԵՄ-ն պատրաստ է զարգացնել ՀՀ-ի հետ համագործակցությունն անվտանգության, կապի և առևտրի ոլորտներում․ Օլիվեր Վարհելի

ԵՐԵՎԱՆ, 11 ԴԵԿՏԵՄԲԵՐԻ, ԱՐՄԵՆՊՐԵՍ։ Եվրոպական Միության Հարևանության և ընդլայնման հարցերով բարձր հանձնակատար Օլիվեր Վարհելին ԵՄ արտաքին գործերի նախարարների խորհրդի նիստի շրջանակներում հանդիպել է Հայաստանի արտաքին գործերի նախարար Արարատ Միրզոյանի հետ։

Ինչպես հաղորդում է «Արմենպրես»-ը, Վարհելին այս մասին հայտնել է X-ի իր միկրոբլոգում կատարած գրառմամբ։

«Քննարկել ենք մեր հարաբերությունների հետագա խորացման հետ կապված հարցեր։ Արտահայտել ենք մեր վճռական աջակցությունը խաղաղության գործընթացին։ Մենք պատրաստ ենք զարգացնել մեր համագործակցությունն անվտանգության, պաշտպանության, էներգետիկայի, կապի և առևտրի ոլորտներում»,- գրել է նա։

In the margins of the #FAC met Foreign Affairs Minister of #Armenia @AraratMirzoyan on how to deepen our relations further.

Expressed our strong support to the peace process.

We are ready to upgrade our cooperation in areas eg. security, defence, energy, connectivity & trade. pic.twitter.com/ypmJQDtvYr

— Oliver Varhelyi (@OliverVarhelyi) December 11, 2023

ՀՀ ԱԳ նախարար Արարատ Միրզոյանը Բրյուսելում մասնակցել է ԵՄ արտաքին գործերի նախարարների խորհրդի ձևաչափով հանդիպմանը։