Փալոնը պնդում է, որ ԱՄՆ-ն անվտանգության աջակցություն տրամադրի Հայաստանին
2 րոպեի ընթերցում
![Փալոնը պնդում է, որ ԱՄՆ-ն անվտանգության աջակցություն տրամադրի Հայաստանին](http://armenpress.am/resized/480/static/news/b/2023/12/1125802.jpg)
ԵՐԵՎԱՆ, 8 ԴԵԿՏԵՄԲԵՐԻ, ԱՐՄԵՆՊՐԵՍ։ ԱՄՆ կոնգրեսական Ֆրենկ Փալոնը ողջունել է Հայաստանի և Ադրբեջանի միջև ձեռք բերված համաձայնությունը 32 հայ գերիների ազատ արձակման շուրջ, որի մասին կողմերը դեկտեմբերի 7-ին համատեղ հայտարարություն են տարածել։
Glad to see that Armenia and Azerbaijan were able to come to an agreement to release 32 Armenian prisoners. This is an important step forward, but the U.S. must provide Armenia with security assistance to ensure a lasting peace in the Caucasus. https://t.co/wISEZmx64Z
— Rep. Frank Pallone (@FrankPallone) December 7, 2023
«Արմենպրես»-ի փոխանցմամբ՝ կոնգրեսականը նաև պնդում է, որ ԱՄՆ-ն պետք է Հայաստանին տրամադրի անվտանգության աջակցություն։
«Ուրախ եմ տեսնել, որ Հայաստանն ու Ադրբեջանը կարողացել են համաձայնության գալ 32 հայ գերիների ազատ արձակելու հարցում։ Սա կարևոր քայլ է դեպի առաջ, սակայն ԱՄՆ-ն պետք է Հայաստանին տրամադրի անվտանգության աջակցություն՝ Կովկասում կայուն խաղաղություն ապահովելու համար», - գրել է Փալոնը X սոցիալական հարթակում։
Ինչպես ավելի հայտնել էինք, Հայաստանի Հանրապետության վարչապետի աշխատակազմը և Ադրբեջանի Հանրապետության նախագահի վարչակազմը համատեղ հայտարարություն են տարածել, համաձայն որի՝ երկու պետությունները վերահաստատում են ինքնիշխանության և տարածքային ամբողջականության սկզբունքների հարգման հիման վրա հարաբերությունները կարգավորելու և խաղաղության պայմանագրի կնքմանը հասնելու իրենց մտադրությունը: Ըստ հայտարարության՝ Ադրբեջանն ազատ է արձակում 32 հայ զինծառայողների, Հայաստանի Հանրապետությունն իր հերթին ազատ է արձակում 2 ադրբեջանցի զինծառայողների: