1 րոպեի ընթերցում
ԵՐԵՎԱՆ, 4 ԴԵԿՏԵՄԲԵՐԻ, ԱՐՄԵՆՊՐԵՍ: Երգիչ Վահագ Ռաշը երկրպագուների դատին է հանձնել «Գինու համբույրից» ստեղծագործությունը, որի հոլովակն արդեն համացանցում է:
«Արմենպրես»-ի հաղորդմամբ՝ երգի խոսքերի հեղինակն Անի Հերունի Սաջյանն է, երաժշտությունը` Վահագ Ռաշի:
«Երգը յուրահատուկ տեղ ունի իմ երգացանկում։ Երբ Անին ուղարկեց խոսքերը, միանգամից հասկացա, որ այն երգ է դառնալու, քանի որ այդ խոսքերում ասես հոգեվիճակս էր ներկայացված։ Երևի բոլորի մոտ լինում են պահեր, երբ փորձում ես միայնակ մնալ ու կտրվել աշխարհից մեկ գավաթ գինու հետ։ Հետո էլ ստեղծվեց երաժշտությունը»,-պատմում է երաժիշտը:
Երգը երկար է մնացել Վահագ Ռաշի երգադարակում. մի օր որոշել է զբաղվել դրա գործիքավորմամբ, որն իրականացրել է Կարեն Արզումանյանը, իսկ երաժշտական մշակումն ու ձայնագրությունը` Սերգեյ Գասպարյանը։
Հոլովակը պատրաստել է Ալյոնա Տոկմանինան։ «Երգի վերնագրի մասին երկար մտածեցի ու ընտրեցի «Գինու համբույրից տարբերակը: Ռաշը կարծում եմ՝ իր լսարանը կհավանի այն, և երգը կդառնա երկրպագուների սիրելի ստեղծագործություններից մեկը: