Տեղի է ունեցել «Հայաստանի դիվանագիտական ներկայացուցիչ Ֆերդինանդ Թահթաճեանի փաստաթղթերը Վատիկանի արխիվում» գրքի շնորհանդեսը
1 րոպեի ընթերցում
ԵՐԵՎԱՆ, 2 ԴԵԿՏԵՄԲԵՐԻ, ԱՐՄԵՆՊՐԵՍ։ Հայաստանի Հանրապետության արտաքին գործերի նախարարությունում տեղի է ունեցել Մխիթարեան Միաբան Հ. Վահան Ծ. Վրդ. Օհանեանի կողմից կազմված «Հայաստանի դիվանագիտական ներկայացուցիչ Ֆերդինանդ Թահթաճեանի փաստաթղթերը Վատիկանի արխիվում» գրքի շնորհանդեսը։
«Արմենպրես»-ի հաղորդմամբ՝ գիրքն իրենից ներկայացնում է փաստաթղթերի ժողովածու, որը լույս է տեսել Վատիկանում ՀՀ դեսպանության օժանդակությամբ։
Շնորհանդեսին բացման խոսքով հանդես է եկել ՀՀ ԱԳ նախարարի տեղակալ Պարույր Հովհաննիսյանը: Իր խոսքում նա ընդգծել է գրքի կարևորությունը ընթերցողների լայն շրջանակի համար։
Հ. Վահան Ծ. Վրդ. Օհանեանն էլ իր հերթին ներկայացրել է գրքի ստեղծման մանրամասները և շնորհակալություն հայտնել շնորհանդեսի կազմակերպման և ժողովածուի հանդեպ ցուցաբերած հետաքրքրության համար։