1 րոպեի ընթերցում
ԵՐԵՎԱՆ, 30 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի ազգային ժողովի ֆինանսավարկային եւ բյուջետային հարցերի մշտական հանձնաժողովի նախագահ Գեւորգ Պապոյանը և տարածքային կառավարման, տեղական ինքնակառավարման, գյուղատնտեսության եւ շրջակա միջավայրի պահպանության հարցերի մշտական հանձնաժողովի նախագահ Վահե Ղալումյանը կգործուղվեն Վաշինգտոն՝ մասնակցելու խորհրդարանական տեղեկատվական-անվտանգային ֆորումին:
«Արմենպրես»-ն այս մասին տեղեկացավ Ազգային ժողովի նախագահի համապատասխան կարգադրությունից:
Խորհրդարանական տեղեկատվական-անվտանգային ֆորումին մասնակցելու համար պատգամավորները Վաշինգտոն կգործուղվեն դեկտեմբերի 6-9-ը: