Փաշինյանը հայտնել է Մակրոնի հետ հանդիպմանը քննարկված հարցերի շրջանակը

ԵՐԵՎԱՆ, 10 ՆՈՅԵՄԲԵՐԻ, ԱՐՄԵՆՊՐԵՍ: Հայաստանի վարչապետ Նիկոլ Փաշինյանը մանրամասնել է, թե ինչ հարցեր են քննարկել Ֆրանսիայի նախագահ Էմանուել Մակրոնի հետ հանդիպման ժամանակ։

«Արմենպրես»-ի փոխանցմամբ՝ վարչապետ Նիկոլ Փաշինյանը X-ի իր էջում գրառում է կատարել՝ Մակրոնի հետ զրույցը որակելով հիանալի:

«Քննարկեցինք բացառիկ բարեկամական հարաբերությունների խորացման և Հայաստան-Ֆրանսիա երկկողմ օրակարգի ամրապնդման, ԵՄ-ի հետ համագործակցությունը, ինչպես նաև Հարավային Կովկասում տիրող իրավիճակին վերաբերող հարցեր»,-նշել է Փաշինյանը:

Վարչապետ Նիկոլ Փաշինյանը տիկնոջ՝ Աննա Հակոբյանի հետ, աշխատանքային այցով Ֆրանսիա էր ժամանել նոյեմբերի 9-ին: Վարչապետը նոյեմբերի 9-ին հանդիպել է Ֆրանսիայի նախագահ Էմանուել Մակրոնի հետ։

Նիկոլ Փաշինյանը նոյեմբերի 10-ին Փարիզում մասնակցել է «Խաղաղության 6-րդ համաժողով»-ի բացման արարողությանը, իսկ ավելի ուշ կմասնակցի պանելային քննարկման:

Excellent entretien avec le Président @EmmanuelMacron. Nous avons échangé sur l’approfondissement des relations d’amitié exceptionnelles & du renforcement de l’agenda bilatéral , la coopération avec l’UE, ainsi que sur les questions liées à la situation dans le Sud Caucase. pic.twitter.com/VRuDCF96k5

— Nikol Pashinyan (@NikolPashinyan) November 10, 2023