ԼՂ-ից բռնի տեղահանված մեծ թվով մարդիկ դիմում են ՀՀ քաղաքացիություն ստանալու համար
1 րոպեի ընթերցում
![ԼՂ-ից բռնի տեղահանված մեծ թվով մարդիկ դիմում են ՀՀ քաղաքացիություն ստանալու համար](http://armenpress.am/resized/480/static/news/b/2023/11/1123371.jpg)
ԵՐԵՎԱՆ, 2 ՆՈՅԵՄԲԵՐԻ, ԱՐՄԵՆՊՐԵՍ։ Լեռնային Ղարաբաղից բռնի տեղահանված մեծ թվով մարդիկ դիմում են ՀՀ քաղաքացիություն ստանալու հարցով: «Արմենպրես»-ի փոխանցմամբ՝ նոյեմբերի 2-ի կառավարության նիստի ընթացքում այս մասին հայտարարեց ՀՀ վարչապետ Նիկոլ Փաշինյանը:
«Իհարկե, մենք սպասում էինք, որ այդ գործընթացը պետք է տեղի ունենա: Մեր խնդիրն այն է, որ հնարավորինս արագ այդ գործը կազմակերպեք: Իհարկե, դա նաև ունի օրենսդրական որոշ նրբություններ, որոնք պետք է պահպանվեն: Այստեղ նաև բոլորս՝ Կառավարությունը և պետական մարմինները, պետք է հնարավորինս արագ աշխատենք, բայց նաև ԼՂ-ից բռնի տեղահանված մեր քույրերից և եղբայրներից որոշակի համբերություն ենք ակնկալում, որպեսզի հնարավորինս ընթացակարգերով առաջ շարժվենք, արագության պատճառով իրավական խնդիրներ չառաջացնենք»,- նշեց Փաշինյանը: