1 րոպեի ընթերցում
ԵՐԵՎԱՆ, 11 ՀՈԿՏԵՄԲԵՐԻ, ԱՐՄԵՆՊՐԵՍ: Հայաստանի պետական սիմֆոնիկ նվագախմբի գեղարվեստական ղեկավար և գլխավոր դիրիժոր Սերգեյ Սմբատյանը հոկտեմբերի 9-ին ելույթ է ունեցել Բեռլինի ֆիլհարմոնիայի մեծ համերգասրահում։
«Արմենպրես»-ի հաղորդմամբ՝ մաեստրո Սմբատյանը ղեկավարել է Բեռլինի սիմֆոնիկ նվագախումբը։
Որպես մենակատար հանդես է եկել դաշնակահար Նիկիտա Մնդոյանցը։ Հնչել են Լյուդվիգ վան Բեթհովենի և եվրոպացի այլ կոմպոզիտորների ստեղծագործություններ։