Ադրբեջանի կողմից կամայական ձերբակալությունների հարցը պետք է լինի ՀՀ իշխանությունների օրակարգում. ՀՀ վարչապետ
1 րոպեի ընթերցում
ԵՐԵՎԱՆ, 28 ՍԵՊՏԵՄԲԵՐԻ, ԱՐՄԵՆՊՐԵՍ: Պետական մարմինները պետք է համարժեք քայլերի դիմեն` կամայական ձերբակալված անձանց իրավունքները պաշտպանելու, այդ թվում` միջազգային ատյաններում: «Արմենպրես»-ի հաղորդմամբ` այս մասին սեպտեմբերի 28-ի Կառավարության նիստում հայտարարեց ՀՀ վարչապետ Նիկոլ Փաշինյանը:
«Մինչև Հակարիի կամրջի անցակետը՝ Ադրբեջանի կողմից կամայական ձերբակալություններ են տեղի ունենում: Դա չափազանց անհանգստացնող փաստ է: Մեր պետական մարմինները բոլոր նման դեպքերում պետք է համարժեք քայլերի դիմեն` կամայական ձերբակալված անձանց իրավունքները պաշտպանելու, այդ թվում` միջազգային ատյաններում»,-նշեց վաչապետը։
Փաշինյանի խոսքով` այս հարցը պետք է լինի ՀՀ իշխանությունների օրակարգում այնքան ժամանակ, մինչև հասցեագրված չլինի պատշաճ ձևով: