ԼՂ ԱԻՊԾ-ն բնակչությանը հորդորում է չհրդեհել տներն ու այլ նշանակության օբյեկտներ, քանի դեռ բոլորը չեն տեղափոխվել ՀՀ
1 րոպեի ընթերցում
ԵՐԵՎԱՆ, 27 ՍԵՊՏԵՄԲԵՐԻ, ԱՐՄԵՆՊՐԵՍ: Լեռնային Ղարաբաղի ՆԳՆ արտակարգ իրավիճակների պետական ծառայությունը բնակչությանը հորդորում է չհրդեհել իրենց բնակարանները, խանութներն ու այլ նշանակության օբյեկտներ, քանի դեռ բոլորը չեն տեղափոխվել Հայաստանի Հանրապետություն:
«Արմենպրես»-ի հաղորդմամբ՝ այս մասին հայտարարություն է տարածել ԼՂ ՆԳՆ արտակարգ իրավիճակների պետական ծառայությունը՝ կարևորելով ծանր ու դժվարին ժամանակահատվածում պատասխանատվություն ցուցաբերելը և անվտանգության կանոնները պահպանելը: