Կարմիր խաչի Ստեփանակերտի գրասենյակից հաստատել են, որ Մարտունուց 9 վիրավոր է տեղափոխվել

ԵՐԵՎԱՆ, 22 ՍԵՊՏԵՄԲԵՐԻ, ԱՐՄԵՆՊՐԵՍ։ Մարտունուց Կարմիր խաչի միջոցով վիրավորներ են տեղափոխվել Ստեփանակերտ:

Կարմիր խաչի միջազգային կոմիտեի Ստեփանակերտի գրասենյակի հանրային կապերի պատասխանատու Էթերի Մուսայելյանը պատասխանելով «Արմենպրես»-ի թղթակցի հարցին, թե արդյոք Մարտունուց Կարմիր խաչի միջոցով վիրավորներ են տեղափոխվել Ստեփանակերտ, հաստատել է, որ 6 ավտոմեքենայով 9 վիրավոր է տեղափոխվել։