Քաղաքականություն

Եթե Բայդենը և Պուտինը համաձայնեն համագործակցել, ԼՂ հայերի ցեղասպանությունը կարող է 1 օրում դադարեցվել. Լուիս Մորենո Օկամպո

3 րոպեի ընթերցում

ԵՐԵՎԱՆ, 20 ՍԵՊՏԵՄԲԵՐԻ, ԱՐՄԵՆՊՐԵՍ: Միջազգային քրեական դատարանի նախկին դատախազ Լուիս Մորենո Օկամպոն Լեռնային Ղարաբաղում Ադրբեջանի լայնածավալ ռազմական ագրեսիան որակում է ցեղասպանություն, միջազգային հանրությանը սթափվելու կոչ անում ու կարևորում այս հարցում Ռուսաստանի և ԱՄՆ-ի նախագահների համագործակցությունը:

«Արմենպրես»-ի փոխանցմամբ՝ Լուիս Մորենո Օկամպոն հանդես է եկել հայտարարությամբ ու X-ում («Թվիթեր») գրառումներ կատարել՝ #StopArmenianGencocide2023 հեշթեգով:

«Դեկտեմբերի 22-ից սովի մատնելը եղել է Լեռնային Ղարաբաղի 120 հազար հայերի նկատմամբ ցեղասպանություն իրականացնելու լուռ զենքը։ Այսօր արդեն դրան ավելացվել է ցեղասպանական նոր մեթոդ՝ ռմբակոծությունը»,-նշել է Լուիս Մորենո Օկամպոն:

Նա նկատել է՝ Ալիևն օգտվում է Ուկրաինայի պատերազմի հետևանքով ստեղծված ուշադրության շեղումից՝ իրականացնելով ցեղասպանություն: Միջազգային քրեական դատարանի նախկին դատախազը հավելել է, որ միջազգային հանրությունը մինչ այժմ հանդուրժել է Ալիևի ցեղասպան գործողությունները, հիմա սթափվելու ժամանակն է:

«Եթե ԱՄՆ նախագահ Բայդենը և ՌԴ նախագահ Պուտինը համաձայնեն համագործակցել այս ասպարեզում, ցեղասպանությունը կարող է մեկ օրում դադարեցվել: Հայերի դեմ ցեղասպանությունը չպետք է լինի Ուկրաինայի պատերազմի անուղղակի վնասը»,-նշել է նա:

Լուիս Մորենո Օկամպոյի համոզմամբ՝ եվրոպական երկրները, օրինակ՝ Ֆրանսիան, կարող են օգնել Բայդենին ու Պուտինին աշխատել միասին՝ կանգնեցնելու հայերի նկատմամբ 2023-ի ցեղասպանությունը:

«ԱՄՆ նախագահ Ջո Բայդենը ՄԱԿ-ի Գլխավոր ասամբլեայում պարտավորվել է նպաստել համագործակցությանը՝ վերջ դնելու պատերազմի ցավին: Ռուս խաղաղապահները տեղակայված միակ ռազմական ուժերն են, որոնք կարող են պաշտպանել հայերին և այդպիսով օգնել Բայդենին կատարել իր խոստումը»,-նշել է նա:

Ադրբեջանը սեպտեմբերի 19-ից Լեռնային Ղարաբաղի դեմ լայնածավալ հարձակում է սկսել, զոհերի և վիրավորների թվում կան քաղաքացիական անձինք: Սեպտեմբերի 20-ին մարտերը շփման գծի երկայնքով տարբեր ինտենսիվությամբ շարունակվում են: Ադրբեջանի ԶՈՒ ստորաբաժանումները, տարբեր զինատեսակներից կրակի ուղեկցմամբ, շարունակում են դիրքային առաջխաղացման գործողությունները՝ թիրախավորելով նաև քաղաքացիական ենթակառուցվածքներ:

Հայերեն English Русский

Լարված բանակցություններից հետո Զելենսկին լքել է Սպիտակ տունը, նրա և Թրամփի ասուլիսը չեղարկվել է

ՀՖՖ-ն դատապարտում է երկրպագուների վարքագիծը «Գանձասար»-«Արարատ» հանդիպման ժամանակ

ԵՄ առաքելության ղեկավար Վասիլիս Մարագոսը ցավակցություն է հայտնել Սումգայիթի ջարդերի տարելիցի կապակցությամբ

Փրկարարների օգնությամբ ավտոմեքենաները դուրս են բերվել խցանումից

Հայաստանը և ՕՊԵԿ միջազգային զարգացման հիմնադրամը կխորացնեն համագործակցությունը

Ուկրաինայում հրադադարի մասին համաձայնագիրը անխուսափելի է. Թրամփ

Բոլոր սահմանային անցակետերում մարտի 1-ից ծառայություն իրականացնելու են միայն ՀՀ Սահմանապահ զորքերը. վարչապետ Փաշինյան

Զելենսկին հայտարարել է, որ Կիևը երբեք չի ընդունի կրակի դադարեցումը

ԱՄՆ-ն ու Ուկրաինան այսօր կստորագրեն հանածոների վերաբերյալ համաձայնագիր․ Թրամփ

Վլադիմիր Զելենսկին Սպիտակ տանը հանդիպել է Դոնալդ Թրամփի հետ