361.4
Իրանում հավատում են, որ Հայաստանի և Ադրբեջանի միջև պատերազմ չի լինի
1 րոպեի ընթերցում
ԵՐԵՎԱՆ, 13 ՍԵՊՏԵՄԲԵՐԻ, ԱՐՄԵՆՊՐԵՍ։ Իրանի պաշտպանության նախարար, բրիգադի գեներալ Մոհհամադ Ռեզա Աշտիանին անդրադարձել է Հայաստանի և Ադրբեջանի միջև պատերազմի բռնկման հավանականությանը։
Ինչպես հաղորդում է «Արմենպրես»-ը, Իրանի պաշտպանության նախարարը թեմային անդրադարձել է Իրանի կառավարության նիստի շրջանակներում լրագրողներին տված ճեպազրույցի ընթացքում։
«Մենք հավատում ենք, որ տարածաշրջանում պատերազմ չի սկսվի»,- Աշտիանիի խոսքերը մեջբերել է իրանական Tasnim գործակալությունը։
Ընդգծելով Իրանի հստակ դիրքորոշումը Երևանի և Բաքվի միջև լարվածության վերաբերյալ՝ Իրանի պաշտպանության նախարարն ասել է․ «Մենք չենք ընդունի տարածաշրջանում աշխարհաքաղաքական որևէ փոփոխություն։ Գործընթացը, որին մենք հետևում ենք, ցույց է տալիս, որ որևէ յուրահատուկ իրադարձություն չի լինի»։
Բաժանորդագրվեք մեր ալիքին Telegram-ում