Մասիս Մայիլյանը թողնում է Արցախի նախագահի գլխավոր խորհրդական-հատուկ հանձնարարություններով դեսպանի պաշտոնը
1 րոպեի ընթերցում
ՍՏԵՓԱՆԱԿԵՐՏ, 12 ՍԵՊՏԵՄԲԵՐԻ, ԱՐՄԵՆՊՐԵՍ։ Արցախի Հանրապետության նախագահի գլխավոր խորհրդական-հատուկ հանձնարարություններով դեսպան Մասիս Մայիլյանը հայտարարել է հրաժարականի մասին։ «Արմենպրես»-ի փոխանցմամբ՝ Մայիլյանն այս մասին գրել է «Ֆեյսբուք»-ի իր էջում։
«Այսօրվանից թողնում եմ Արցախի Հանրապետության նախագահի գլխավոր խորհրդականի-հատուկ հանձնարարություններով դեսպանի պաշտոնը։
Արդյունավետ համագործակցության համար երախտագիտություն եմ հայտնում Արցախի, Հայաստանի Հանրապետության և Սփյուռքի իմ գործընկերներին։
Համոզված եմ, որ մոտ ժամանակներս մենք նոր հնարավորություններ կունենանք պաշտպանելու և առաջ մղելու համար Արցախի Հանրապետության ու նրա անկոտրում քաղաքացիների շահերը։ Խաղաղություն բոլորիս»,- գրել է Մայիլյանը:
Մասիս Մայիլյանն Արցախի նախագահի գլխավոր խորհրդական-հատուկ հանձնարարություններով դեսպանի պաշտոնը զբաղեցնում էր 2021 թվականի հունվարի 4-ից։ Մայիլյանն այդ պաշտոնում նշանակվել էր Արցախի՝ հրաժարական ներկայացրած նախագահ Արայիկ Հարությունյանի հրամանով։