1 րոպեի ընթերցում
ԵՐԵՎԱՆ, 26 ՕԳՈՍՏՈՍԻ, ԱՐՄԵՆՊՐԵՍ: Tech Week 2023-ի ընթացքում BANA Angels-ի աջակցությամբ կանցկացվի 3000 դոլար մրցանակային ֆոնդով Wings գաղափարների մրցույթը, որի նպատակն է Լոռու մարզի զարգացման համար նորարար սկսնակ ձեռնարկությունների հավաքագրումը:
«Արմենպրես»-ի հաղորդմամբ՝ մասնակցելու հայտադիմումը հնարավոր է լրացնել այստեղ։ Վերջնաժամկետը սեպտեմբերի 4-ն է։
Նախատեսված են նաև հատուկ մրցանակներ: «Կին մասնակից ունեցող լավագույն թիմ» անվանակարգում հաղթող թիմը Science and Technology Angels Network-ի կողմից կստանա 1000 դոլար, իսկ «Լավագույն ներկայացում» անվանակարգում հաղթող թիմը Rite ընկերության կողմից՝ 250 դոլար։
Մրցույթին կարող են մասնակցել 16 տարեկանից բարձր առնվազն երկու հոգուց բաղկացած թիմերը։ Մրցույթն իրականացվում է երկու փուլով: Առաջին փուլում դիմումների հիման վրա կընտրվի 7 թիմ։ Երկրորդ փուլում ընտրված թիմերը կներկայացնեն իրենց նախագծերը ժյուրիին արդեն Tech Week Vanadzor 2023-ի ընթացքում։ Գաղափարները կարող են լինել տարբեր ոլորտներից՝ տեխնոլոգիաներ, ագրոբիզնես, զբոսաշրջություն և այլն։