Եվրոպայում և Բրազիլիայում գործարկվում է ChatGPT-ի մրցակից Bard-ը

ԵՐԵՎԱՆ, 13 ՀՈՒԼԻՍԻ, ԱՐՄԵՆՊՐԵՍ: Alphabet-ը Եվրոպայում և Բրազիլիայում թողարկում է արհեստական բանականությամբ Bard չատբոտը:

«Արմենպրես»-ի փոխանցմամբ՝ այս մասին հայտնում է BBC-ն:

Մարտին Միացյալ Նահանգներում և Մեծ Բրիտանիայում Bard-ի մեկնարկից ի վեր սա ամենամեծ ընդլայնում է: Սա թեժացնում է մրցակցությունը ChatGPT-ի հետ:

Թե ChatGPT-ն, թե Bard-ը արհեստական բանականության վառ օրինակներ են, որոնք կարող են հարցերին պատասխանել մարդուն նման:

Նրանց հնարավորությունների շուրջ աղմուկը ստիպել է համաշխարհային տեխնոլոգիական գործիչներին կոչ անել դադարեցնել դրանց զարգացումը: