1 րոպեի ընթերցում
ԵՐԵՎԱՆ, 8 ՀՈՒԼԻՍԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանը Դուբրովնիկի համաժողովի շրջանակներում համաշխարհային կարգի արդի մարտահրավերների վերաբերյալ պանելային քննարկումից առաջ կարճատև հանդիպում է ունեցել Բուլղարիայի արտաքին գործերի նախարար Գաբրիել Մարիայի հետ։
Ինչպես հաղորդում է «Արմենպրես»-ը, Արարատ Միրզոյանն այդ մասին հայտնել է «Թվիթեր»-ի իր միկրոբլոգում կատարած գրառմամբ։
«Դուբրովնիկի ֆորումի շրջանակներում համաշխարհային կարգի արդի մարտահրավերների վերաբերյալ պանելային քննարկումից առաջ մտքեր եմ փոխանակել Բուլղարիայի արտաքին գործերի նախարար Գաբրիել Մարիայի հետ։ Մեզ անհրաժեշտ է ավելի սերտ համագործակցություն ու ներգրավվածություն՝ հիմնված Հայաստան-ԵՄ գործընկերության արժեքների և առաջնահերթությունների վրա»,- գրել է Արարատ Միրզոյանը։