Ադրբեջանը տարբեր տրամաչափի հրաձգային զենքերից կրակ է բացել Երասխում կառուցվող մետալուրգիական գործարանի ուղղությամբ

ԵՐԵՎԱՆ, 19 ՀՈՒՆԻՍԻ, ԱՐՄԵՆՊՐԵՍ: Ադրբեջանի ԶՈՒ ստորաբաժանումները հունիսի 19-ին ժամը 13:25-ին տարբեր տրամաչափի հրաձգային զենքերից կրակ են բացել Երասխում օտարերկրյա ներդրումների միջոցով կառուցվող մետալուրգիական գործարանի ուղղությամբ:

«Արմենպրես»-ն այս մասին տեղեկանում է ՀՀ պաշտպանության նախարարության տարածած հաղորդագրությունից:

Հիշեցնենք, որ Ադրբեջանի ԶՈւ-ն հունիսի 14-ին ևս կրակ էր բացել գործարանի ուղղությամբ, ինչի հետևանքով վիրավորում էր ստացել շինհրապարակում աշխատող Հնդկաստանի 2 քաղաքացի: