Ստեփանակերտը հերքում է ՊԲ ստորաբաժանումների կողմից հրադադարը խախտելու մասին Բաքվի տարածած լուրը
1 րոպեի ընթերցում
ՍՏԵՓԱՆԱԿԵՐՏ, 16 ՀՈՒՆԻՍԻ, ԱՐՄԵՆՊՐԵՍ։ Արցախի Հանրապետության պաշտպանության նախարարությունը հերքում է Ադրբեջանի պաշտպանության տարածած հաղորդագրությունը ՊԲ ստորաբաժանումների կողմից հրադադարը խախտելու մասին։
«Ադրբեջանի ՊՆ տարածած հաղորդագրությունն այն մասին, թե իբր ՊԲ ստորաբաժանումները հունիսի 16- ին ժամը 00։50-ից 04:10-ն ընկած ժամանակահատվածում սահմաններում կրակ են բացել Արցախի Հանրապետության Շուշիի շրջանի օկուպացված տարածքներում տեղակայված ադրբեջանական դիրքերի ուղղությամբ, հերթական ապատեղեկատվությունն է»,-«Արմենպրես»-ի փոխանցմամբ՝ ասված է Արցախի պաշտպանության նախարարության տարածած հաղորդագրության մեջ։