Կրակի ինտենսիվության նվազումը պահպանվում է. ՀՀ ՊՆ

ԵՐԵՎԱՆ, 12 ՄԱՅԻՍԻ, ԱՐՄԵՆՊՐԵՍ: Սոթքի և Կութի հատվածում տեղակայված հայկական դիրքերի ուղղությամբ հակառակորդի կրակի ինտենսիվության նվազումը, Ժամը 21:20-ի դրությամբ, պահպանվում է: «Արմենպրես»-ին այս մասին տեղեկացրին ՀՀ պաշտպանության նախարարությունից։

«Ժամը 21:20-ի դրությամբ կրակի ինտենսիվության նվազումը պահպանվում է:

Պաշտպանության նախարարությունը հանդես կգա լրացուցիչ հաղորդագրությամբ»,- ասվում հաղորդագրության մեջ:

Նախորդիվ աղբյուրը հայտնել էր, որ հակառակորդի կրակի ինտենսիվությունը Սոթքի և Կութի հատվածում տեղակայված հայկական դիրքերի ուղղությամբ, ժամը 21:00-ի դրությամբ, էականորեն նվազել է: