Հայաստանը չի պատրաստվում ներգրավվել Լաչինի միջանցքի ռեժիմի փոփոխության վերաբերյալ որևէ բանակցության մեջ․ Միրզոյան

2 րոպեի ընթերցում

ԵՐԵՎԱՆ, 28 ԱՊՐԻԼԻ, ԱՐՄԵՆՊՐԵՍ։ Հայաստանի արտաքին գործերի նախարար Արարատ Միրզոյանն անդրադարձել է Ադրբեջանի արտաքին գործերի նախարար Ջեյհուն Բայրամովի հայտարարությանը, թե Հայաստանը հրաժարվել է Լաչինի միջանցքում զուգահեռ վերահսկողություն իրականացնելու առաջարկից։

«Արմենպրես»-ի փոխանցմամբ՝ Ֆրանսիայի արտաքին գործերի նախարար Կատրին Կոլոնայի հետ ասուլիսի ընթացքում Արարատ Միրզոյանն ասաց, որ Լաչինի միջանցքի վերաբերյալ բանակցություն տեղի է ունեցել և պայմանավորվածություն ձեռք է բերվել, որը հանրահայտ է․ այդ պայմանավորվածությունն արտացոլված է 2020 թվականի նոյեմբերի 9-ի հայտարարության մեջ։

«Լաչինի միջանցքի ռեժիմի վերաբերյալ նոր կարգավորման շուրջ բանակցություններում Հայաստանը երբեք չի պատրաստվել և չի պատրաստվում ներգրավվել։ Մենք կարծում ենք, որ բոլոր պայմանավորվածությունները, ոչ միայն Լաչինի միջանցքի վերաբերյալ, անխափան կերպով պետք է իրականացվեն, որպեսզի հնարավոր լինի Հայաստան-Ադրբեջան հարաբերությունների համընդհանուր կարգավորման գործընթացում ավելի լուրջ ձեռքբերում ունենալ»,- ասաց Միրզոյանը՝ կրկնելով նախկինում հնչեցրած կարծիքը, որ Ադրբեջանի կողմից անցակետի տեղադրումը Լաչինի միջանցքում բացարձակապես ապօրինի է։

«Լաչինի միջանցքում սահմանակետեր դնելու վերաբերյալ ադրբեջանական կողմից պահանջներ կամ առաջարկներ (դժվար է տարբերակում անել) հնչել են։ Ես արդեն ասացի, որ մենք չենք պատրաստվում ներգրավվել այդ առաջարկների քննարկման մեջ։ Մնացած ամեն ինչը, ինչ վերաբերվում է Լեռնային Ղարաբաղի ժողովրդի իրավունքներին և անվտանգությանը, կարող են քննարկվել, կարգավորվել Ստեփանակերտ-Բաքու միջազգայնորեն տեսանելի, թափանցիկ մեխանիզմում»,- եզրափակեց Միրզոյանը։

Հայերեն العربية English Français Русский

ՀՀ պաշտպանության նախարարի տեղակալն այցելել է մի շարք զորամասեր

Ռազմական ոստիկանության պետն աշխատանքային խորհրդակցություն է անցկացրել

Հրապարակվել են նոյեմբերի 29-ին կայանալիք ՏԻՄ ընտրությունների վերջնական ցուցակները

Հայաստանում առաջիկա օրերին սպասվում են տեղումներ, օդի ջերմաստիճանը զգալիորեն կնվազի

Արմավիրի մարզի մի շարք բնակավայրերում փորձարկվելու են էլեկտրական շչակներ

Փրկարարներն արձագանքել են քամու հետևանքով գրանցված դեպքերին

Վահան Կոստանյանը Նեապոլում հանդիպել է Իտալիայի խորհրդարանի արտաքին հարաբերությունների հանձնաժողովի նախագահի հետ

Ինչու են մայրամուտի և արևածագի ժամանակ ամպերը կարմիր կամ կարմրանարնջագույն երանգ ստանում․ մանրամասնում է Գագիկ Սուրենյանը

Հայաստանն ու Իրանը քննարկել են բարձր տեխնոլոգիաների ոլորտում համագործակցությունը զարգացնելու հեռանկարները

Հայաստանի ֆուտբոլի ֆեդերացիայի նախագահի պաշտոնի համար կպայքարեն Գևորգ Ղազարյանն ու Դենիս Ջորկաեֆը