1 րոպեի ընթերցում
ԵՐԵՎԱՆ, 27 ԱՊՐԻԼԻ, ԱՐՄԵՆՊՐԵՍ: Հայաստանի կառավարությունը Լեռնային Ղարաբաղի կառավարությանը կտրամադրի 3.5 մլրդ դրամի միջպետական վարկ:
«Արմենպրես»-ի հաղորդմամբ՝ կառավարությունը հավանություն տվեց համապատասխան որոշման նախագծին, որը չզեկուցվող հարցերի շարքում էր:
Միջպետական վարկը տրամադրվում է տարեկան 0.01 տոկոս տոկոսադրույքով՝ մինչև 2027 թվականի հունվարի 1-ը մարման ժամկետով:
Ըստ հիմնավորման՝ նախագծի նպատակը հետպատերազմյան ժամանակահատվածում Լեռնային Ղարաբաղի տարածքում ստեղծված սոցիալական լարվածության մեղման համար լրացուցիչ ֆինանսավորում տրամադրելն է։