Հայոց ցեղասպանությունից 108 տարի անց շարունակում ենք հուսալ, որ կլինի ճանաչում․ Արգենտինայի պաշտպանության նախարար

ԵՐԵՎԱՆ, 26 ԱՊՐԻԼԻ, ԱՐՄԵՆՊՐԵՍ։ Արգենտինայի պաշտպանության նախարար Խորխե Տայանան նշում է՝ Հայոց ցեղասպանությունից 108 տարի անց շարունակում են հուսալ, որ կլինի ճանաչում, հիշողություն և հանդուրժողականություն ժողովուրդների միջև։ Ինչպես հաղորդում է «Արմենպրես»-ը, Արգենտինայի պաշտպանության նախարարն այդ մասին գրել է «Թվիթեր»-ի իր էջում։

«Մեր երկիրը ճանաչել է Հայոց ցեղասպանությունը 2006 թվականին՝ դառնալով առաջին երկրներից մեկը, որը գնացել է այդ քայլին։ Ցեղասպանությունից 108 տարի անց մենք շարունակում ենք հուսալ, որ կլինի ճանաչում, հիշողություն և հանդուրժողականություն ժողովուրդների միջև»,- գրել է Տայանան։

Nuestro país reconoce el #GenocidioArmenio desde el año 2006, convirtiéndose asi en uno de los primeros países en hacerlo oficialmente. A 108 años de aquel genocidio, seguimos esperando que haya reconocimiento, memoria y tolerancia entre los Pueblos. pic.twitter.com/RRjUZasy30

— Jorge Taiana (@JorgeTaiana) April 24, 2023