1 րոպեի ընթերցում
ԵՐԵՎԱՆ, 20 ԱՊՐԻԼԻ, ԱՐՄԵՆՊՐԵՍ: Լրացված և վիրտուալ իրականության տեխնոլոգիաների (AR/VR) լուծումներ առաջարկող հայաստանյան ARLOOPA ընկերության համանուն հավելվածի օրգանիկ ներբեռնումների թիվը Google Play-ում հասել է 6 միլիոնի։ Այս մասին «Արմենպրես»-ը տեղեկացավ ընկերության «Լինկդին» պաշտոնական էջից:
«Մենք չէինք կարող հասնել սրան առանց մեր հրաշալի օգտատերերի աջակցության: Շնորհակալություն բոլորիդ մեր արտադրանքին հավատալու և այս անհավատալի նվաճմանը հասնելու համար:
Մենք խոստանում ենք շարունակել կատարելագործվել և ապահովել հնարավոր լավագույն փորձառությունը»,- նշված է ընկերության հայտարարությունում։