Խաղողի այգիներում էտման աշխատանքներ կատարելիս 3 քաղաքացի հայտնվել են ադրբեջանական մարտական դիրքերից արձակվող անկանոն կրակոցների տակ. Արցախի ՆԳՆ
1 րոպեի ընթերցում
ԵՐԵՎԱՆ, 15 ՄԱՐՏԻ, ԱՐՄԵՆՊՐԵՍ: Ոստիկանության Մարտունու շրջանային բաժնի հերթապահ մասում մարտի 15-ին ժամը 11-ի սահմաններում հաղորդում է ստացվել, որ Ամարասի հովտի «Խազազին տակ» կոչվող տեղանքի հարակից խաղողի այգիներում 3 քաղաքացի, էտման աշխատանքներ կատարելիս, հայտնվել են հարակից ադրբեջանական մարտական դիրքերից հրաձգային զինատեսակներով արձակվող անկանոն կրակոցների տակ։
Ինչպես «Արմենպրես»-ին հայտնում են Արցախի ՆԳՆ-ից, կրակոցների հետևանքով դադարեցվել են գյուղատնտեսական աշխատանքները։ Տուժածներ չկան:
Դեպքի մասին տեղեկությունները փոխանցվել են ռուսական խաղաղապահ զորակազմին։