Թագուհի Թովմասյանը Գեղամ Ստեփանյանի և Արտակ Բեգլարյանի հետ քննարկել է Արցախում հումանիտար աղետի հաղթահարման հնարավոր ուղիները
1 րոպեի ընթերցում
ԵՐԵՎԱՆ, 14 ՓԵՏՐՎԱՐԻ, ԱՐՄԵՆՊՐԵՍ: Ազգային ժողովի մարդու իրավունքների պաշտպանության և հանրային հարցերի մշտական հանձնաժողովի նախագահ Թագուհի Թովմասյանը Խորհրդարանում հյուրընկալել է Արցախի Հանրապետության մարդու իրավունքների ներկա և նախկին պաշտպաններ Գեղամ Ստեփանյանին և Արտակ Բեգլարյանին: «Արմենպրես»-ի փոխանցմամբ՝ այս մասին հայտնում է Թագուհի Թովմասյանը:
«Հանդիպման ժամանակ քննարկել ենք Ադրբեջանի կողմից Արցախի շրջափակման հետևանքով առաջացած
հումանիտար աղետի հաղթահարման հնարավոր ուղիները, արցախահայության իրավունքների պաշտպանությանն առնչվող մի շարք հարցեր:
Մշտապես կանգնած եմ Արցախի և մեր հայրենակիցների կողքին»,- «Ֆեյսբուք»-ի իր էջում գրել է Թովմասյանը: