Լավրովը Բայրամովի հետ զրույցում ընդգծել է Լաչինի միջանցքը շուտափույթ կերպով ապաշրջափակելու անհրաժեշտությունը
1 րոպեի ընթերցում
ԵՐԵՎԱՆ, 17 ՀՈՒՆՎԱՐԻ, ԱՐՄԵՆՊՐԵՍ։ Ռուսաստանի արտաքին գործերի նախարար Սերգեյ Լավրովը կոչ է արել Ադրբեջանին շուտափույթ կերպով ապաշրջափակել Արցախը Հայաստանին և արտաքին աշխարհին կապող միակ ճանապարհի՝ Լաչինի միջանցքով տեղաշարժը։ Ինչպես հաղորդում է «Արմենպրես»-ը, այս մասին, ինչպես նաև հայ-ադրբեջանական հարաբերությունների կարգավորման վերաբերյալ ՌԴ արտաքին քաղաքական գերատեսչության ղեկավարը խոսել է հունվարի 17-ին Ադրբեջանի ԱԳ նախարար Ջեյհուն Բայրամովի հետ հեռախոսազրույցի ընթացքում։
«Նախարարները քննարկել են երկկողմ հարաբերությունների և տարածաշրջանային օրակարգի մի շարք ակտուալ հարցեր։
Ռուսական կողմից ընդգծվել է անհրաժեշտությունը՝ շուտափույթ կերպով լիարժեքորեն ապաշրջափակել տեղաշարժը Լաչինի միջանցքով՝ համաձայն 2020 թվականի նոյեմբերի 9-ի բարձր մակարդակի եռակողմ Հայատարարությամբ ամրագրված չափորոշիչների։ Ընդգծվել է նաև հարակից բոլոր հարցերի շուրջ փոխընդունելի լուծումների հասնելու կարևորությունը՝ նպատակ ունենալով վերսկսել համակարգային աշխատանքը հայ-ադրբեջանական կարգավորման առանցքային ուղղություններով՝ Ռուսաստանի, Ադրբեջանի և Հայաստանի ղեկավարների պայմանավորվածությունների հիման վրա»,- ասվում է ՌԴ արտգործնախարարության հայտարարության մեջ։