Լաչինի միջանցքի շրջափակման մասին Ալիևի հայտարարությունը պետական մակարդակով իրականացվող էթնիկ զտումների խոստովանություն էր․ Մարուքյան
1 րոպեի ընթերցում
![Լաչինի միջանցքի շրջափակման մասին Ալիևի հայտարարությունը պետական մակարդակով իրականացվող էթնիկ զտումների խոստովանություն էր․ Մարուքյան](http://armenpress.am/resized/480/static/news/b/2023/01/1101454.jpg)
ԵՐԵՎԱՆ, 11 ՀՈՒՆՎԱՐԻ, ԱՐՄԵՆՊՐԵՍ։ Լաչինի միջանցքի շրջափակման մասին Ադրբեջանի նախագահ Իլհամ Ալիևի երեկվա հայտարարությունը պետական մակարդակով իրականացվող էթնիկ զտումների մաքուր խոստովանություն էր։ Ինչպես տեղեկացնում է «Արմենպրես»-ը, «Թվիթեր»-ի իր էջում գրել է ՀՀ հատուկ հանձնարարության դեսպան Էդմոն Մարուքյանը։
«Լաչինի միջանցքի շրջափակման մասին Ադրբեջանի նախագահ Ալիևի երեկվա հայտարարությունը պետական մակարդակով իրականացվող էթնիկ զտումների մաքուր խոստովանություն էր։ Նա ասել է, որ ճանապարհը բաց է նրանց համար, ովքեր չեն ցանկանում լինել Ադրբեջանի քաղաքացի, և նրանք կարող են հեռանալ ռուս խաղաղապահների մեքենաներով կամ ավտոբուսներով»,- գրել է Մարուքյանը։