1 րոպեի ընթերցում
ԵՐԵՎԱՆ,9 ՀՈՒՆՎԱՐԻ,ԱՐՄԵՆՊՐԵՍ: Արցախի Հանրապետության բուժհաստատություններում 2022 թվականի ընթացքում ծնվել է 1623 երեխա, որից 15-ը՝ զույգ: Այս մասին «Արմենպրես»-ը տեղեկանում է Արցախի առողջապահության նախարարության տարածած հաղորդագրությունից, որտեղ նաև նշվում է, որ ևս 43 արցախցի երեխա ծնվել է ՀՀ բուժհաստատություններում:
«Հարկ է նշել, որ արտամարմնային բեղմնավորման ճանապարհով Արցախի Հանրապետության առողջապահության նախարարության բուժհաստատություններում ծնվել է 17 երեխա, որից 16-ը՝ «Մոր և մանկան առողջության պահպանման կենտրոն»-ում, 1-ը՝ «Մարտակերտի շրջանային բուժմիավորում»-ում:
2023 թվականի հունվարի 1-8-ն ընկած ժամանակահատվածում Արցախի բուժհաստատություններում ծնվել է 43 երեխա:
Շրջափակման օրերին Արցախի Հանրապետության առողջապահության նախարարության բուժհաստատություններում ծնվել է 110 երեխա»,-նշված է հաղորդագրության մեջ: