1 րոպեի ընթերցում
ԵՐԵՎԱՆ,27 ԴԵԿՏԵՄԲԵՐԻ,ԱՐՄԵՆՊՐԵՍ: Կարմիր Խաչի միջազգային կոմիտեի միջնորդությամբ Արցախի հասցված դեղորայքը կբավարարի 10 օրվա պահանջարկը: «Արմենպրես»-ն այս մասին տեղեկանում է Արցախի Առողջապահության նախարարության տարածած հաղորդագրությունից:
«Կարմիր Խաչի միջազգային կոմիտեի միջնորդությամբ դեկտեմբերի 25-ին 10 տոննա հումանիտար բեռ՝ դեղորայք, մանկական կեր, բուժօգնության համար նախատեսված պարագաներ, հասցվել է Արցախ։ Դեղորայքը բաշխվելու է Հանրապետության բուժհաստատություններին՝ բավարարելով 10 օրվա պահանջարկը»,- նշված է հաղորդագրության մեջ:
Արցախի Հանրապետության Առողջապահության նախարարությունը բարձր է գնահատում Արցախում ստեղծված հումանիտար ճգնաժամի պայմաններում Կարմի Խաչի միջազգային կոմիտեի կողմից ցուցաբերվող աջակցությունն ու արդյունավետ համագործակցությունը։