398.64
Արարատ Միրզոյանն Ադրբեջանի կողմից արգելափակված Լաչինի միջանցքն անհապաղ բացելու շուրջ միջազգային միանշանակ կոնսենսուս է տեսնում
1 րոպեի ընթերցում
ԵՐԵՎԱՆ, 21 ԴԵԿՏԵՄԲԵՐԻ, ԱՐՄԵՆՊՐԵՍ: ՄԱԿ-ի Անվտանգության խորհրդի քննարկումը հստակորեն վկայում է Ադրբեջանի կողմից արգելափակված Լաչինի միջանցքի անհապաղ և անվերապահ բացման վերաբերյալ միջազգային ուժեղ և միանշանակ կոնսենսուսի մասին։
«Արմենպրես»-ի փոխանցմամբ՝ այս մասին «Թվիթեր»-ի իր միկրոբլոգում գրել է Հայաստանի արտաքին գործերի նախարար Արարատ Միրզոյանը:
«Հայաստանի և Լեռնային Ղարաբաղի միջև անվտանգ և ապահով կապը պետք է վերականգնվի»,- գրել է Միրզոյանը:
Արարատ Միրզոյանը հավելել է, որ Հայաստանը գնահատում է ՄԱԿ-ի անվտանգության խորհրդի անդամների սկզբունքային և արդար դիրքորոշումը:
Բաժանորդագրվեք մեր ալիքին Telegram-ում