2 րոպեի ընթերցում
ԵՐԵՎԱՆ, 19 ԴԵԿՏԵՄԲԵՐԻ, ԱՐՄԵՆՊՐԵՍ։ Ադրբեջանն արդեն ութերորդ օրն է՝ փակ է պահում Արցախը Հայաստանին և արտաքին աշխարհին կապող միակ ճանապարհը՝ Լաչինի միջանցքը։ «Արմենպրես»-ի փոխանցմամբ, այս մասին «Թվիթեր»-ի էջում հիշեցրել է Հայաստանի վարչապետ Նիկոլ Փաշինյանը։
«8-րդ օրն է՝ Լաչինի միջանցքը փակ է Ադրբեջանի կողմից և Լեռնային Ղարաբաղի ժողովուրդը ցրտին մնացել է ճանապարհների վրա, ընտանիքները շրջափակման տարբեր կողմերում են մնացել։ Լուրջ առողջական խնդիրներ ունեցող քաղաքացիները զրկված են դեղամիջոցներից և առողջապահական ծառայություններից»,- գրել է Փաշինյանը։
8 days Lachin corridor is closed by #Az and people of Nagorno Karabakh are stuck on the roads in the cold, families are finding themselves in different sides of the blockade. Citizens with serious health problems are deprived of medicine and health service.
— Nikol Pashinyan (@NikolPashinyan) December 19, 2022
Դեկտեմբերի 12-ի առավոտյան ժամը 10:30-ից մի խումբ ադրբեջանցիներ` բնապահպանական պատճառաբանություններով, փակել են Ստեփանակերտ-Գորիս մայրուղու Շուշի-Քարին տակ հատվածը՝ Լաչինի միջանցքը։ Հարյուրավոր քաղաքացիներ, այդ թվում`անչափահասներ, Լաչինի միջանցքի փակ լինելու պատճառով չեն կարողանում տուն վերադառնալ: Ընդհատված է Շուշիի շրջանի Լիսագոր, Մեծ շեն, Հին շեն և Եղցահող գյուղերի տրանսպորտային կապը մայրաքաղաք Ստեփանակերտի հետ։
Ադրբեջանը դեկտեմբերի 13-ից խափանել էր նաև Արցախի Հանրապետության գազամատակարարումը: Դեկտեմբերի 16-ին գազամատակարարումը վերականգնվել է: