Անահիտ Ավանեսյանը ԱՀԿ պաշտոնյային տեղեկացրել է Արցախում հասունացող ճգնաժամի մասին

ԵՐԵՎԱՆ, 16 ԴԵԿՏԵՄԲԵՐԻ, ԱՐՄԵՆՊՐԵՍ: Հայաստանի առողջապահության նախարար Անահիտ Ավանեսյանը հեռախոսազրույց է անցկացրել Առողջապահության համաշխարհային կազմակերպության եվրոպական տարածաշրջանային գրասենյակի տնօրեն Հանս Կլյուգեի հետ:

Ավանեսյանը «Թվիթեր»-ի իր միկրոբլոգում կատարած գրառմամբ հայտնել է, որ Հանս Կյլուգեին տեղյակ է պահել Արցախում հասունացող հումանիտար ճգնաժամի մասին: «Մշտական կապի մեջ եմ պարոն Հանս Կլյուգեի հետ և պարբերաբար նրան տեղեկացնում եմ իրավիճակի մասին»,- «Արմենպրես»-ի փոխանցմամբ՝ գրել է Ավանեսյանը: